«Лепшы спосаб распаўсюдзіць калядны настрой — гучна спяваць, каб усе пачулі».
Добры вечар, шчодры вечар! Добрым людзям на здароўе!
Хай вам даспадобы будуць жарты, песні, бо без песні хоць ты трэсні.
Жыў-быў коцік, мякенькі жывоцік. Ой, а дзе коцік?
Добры вечар, шчодры вечар! Ходзім, ходзім грамадой, Усіх віншуем с Калядой! Дзеда з бабай, бацьку з маці, Яшчэ малага дзіцяці. Гаспадыня, не пужай, Лепш каўбаскі смачнай дай! Як дасі яшчэ аладкі, Будзем добра пляскаць ў ладкі.
Замовы і Пажаданні
Пакажы-ка, дзеўка, ручку, Пакладзі-ка грошай кучку. Усю праўдачку скажу, усю ісціну. Ляжаш ты спаць на мяккую канапу, I прысніцца табе агурок, I прысніцца табе бочка, I нарадзіцца ў цябе сынок, А потым дочка
Сонечнага вам свята, Каб ваша шчодрая хата Часцей гасцей сустракала, А сэрца ад шчасця спявала. А грошай вялікіх нікому не раю, Бо ім не бывае ні меры, ні краю.
Сыночкамі-дочкамі I ўнучыкамі-званочкамі. Здароўя вам моцнага на сто год, Жыць доўга без турбот і нягод.
Каб жыта расло ў вас і колас быў дужы, А ў садзе каб спелі вішні і грушы. Каб бульба радзіла, і морква, і рэпа, А ў хаце быў хлеб, а яшчэ і да хлеба.
Жадаем, каб вашая хата Была заўсёды багата Скацінкай, аўчынкай, Кудзеляй, пярынкай. Тонкім кужальком, Саламяным сенніком, Тканымі дыванамі, Ільнянымі ручнікамі.
Вось блінцы аўсяныя,. На яйках замяшаныя, Капуста, бульбачка і квас!.. Прашу бліжэй сабрацца вас.
Як ідзём мы - люба паглядзець! Ходзіць з нашай калядой мядзведзь. I казу вядзём з сабой якраз, Вось і хатка, дзе чакаюць нас.